0
0
Këtë tetor, llixhat e Peshkopisë kanë regjistruar një numër të lartë frekuentuesish, duke tërhequr vizitorë nga e gjithë Shqipëria dhe Kosova. Ky fluks i shtuar tregon jo vetëm popullaritetin e llixhave për përfitimet shëndetësore, por edhe rëndësinë e tyre si burim ekonomik për banorët lokalë, të cilët ofrojnë shërbime akomoduese.
Ky tetor ka shënuar një rritje të ndjeshme të vizitorëve në llixhat e Peshkopisë, me një fluks të madh frekuentuesish nga Shqipëria dhe Kosova. Një vëzhgim i bërë nga portali Dibra On ka zbuluar se numri i vizitorëve që shfrytëzojnë ujërat termale ka qenë i lartë, duke konfirmuar popullaritetin e këtyre burimeve natyrore.
Një nga vizitoret e rregullta, një 65-vjeçare nga Puka, e cila ka frekuentuar llixhat prej 15 vitesh me bashkëshortin, shprehet: “Vijmë çdo vit këtu dhe jam shumë e lumtur që sa herë vijmë ka përmirësime të reja të infrastrukturës.”
Llixhat e Dibrës janë një arterie e rëndësishme ekonomike për banorët lokalë, të cilët kanë ndërtuar ambiente akomoduese për vizitorët, duke ofruar shërbime që mbështesin zhvillimin e turizmit shëndetësor në zonë.
Admin