0
0
Kryeministri Edi Rama në takimin me kryetarët e bashkive, ku morën pjesë edhe të zgjedhurit nga opozita kritikoi disa prej tyre, pa përmendur emrat për fondet sociale.
Me cfarë merreni ju se nuk e kuptoj?! Po shikoja këtu para se të vija, është e pakuptueshme që rimbursimi i fondeve të fondit social, ku qendrori ka një kontribut të rëndësishëm është qesharak në disa bashkie që teorikisht nuk mund të jenë pas të tjerëve pasi kanë situata shumë më të agravuara sesa bashki që janë qendrore.
Për gratë me fëmijë të vetmuara, për fëmijët autikë, për individë të rrezikuar nga aspekti social, të kemi fondet dhe të mos i vëmë në dispozicion. Ndërkohë që shikon bashki si Kamza që realizojnë 100% buxhetin.
Dhe nëse tani i lë fjalën Rakipit, do të më thotë se dua më shumë. E njëjta gjë, Vora. Kemi bashki të tjera që kanë realizuar vetëm 3%, kam respekt është grua, nuk po ia përmend emrin” tha ai.
Më tej, duke u ndal tek procesi i legalizimeve. Tha se bashkitë kërkuan akses në këtë proces, por evidentoi se vetëm bashkia e Shijakut është në nivelin e duhur.
“Bashkia model për legalizimet është Shijaku. Nuk e di pse, nuk e di cfarë ndodh në Shijak që ka një shpejtësi dhe një paraqitje të të gjithë procesit dhe dokumentit të kujtdo personi.
Nuk mund të them të arrini Shijakun, por të paktën të arrini në vendin e dytë. Apo jo Xhakoll? (i drejtohet kryetarit të bashkisë Pogradec). Tek legalizimet duhet shumë fokus. Nuk ka justifikim” tha ai.
Admin