1
0
Në ceremoninë e çmimeve të organizuara nga eTwinning Albania, mësuesi i përkushtuar dhe profesionist Mufit Kaloshi u vlerësua me çmimin e tretë për projektet më cilësore ndërkombëtare në kuadër të ESEP eTwinning 2024. Ngjarja, e mbajtur në praninë e Ministres së Arsimit dhe Sportit, znj. Ogerta Manastirliu, evidentoi përpjekjet e mësuesve që sjellin inovacion në arsimin shqiptar.
Mufit Kaloshi, i cili prej shumë vitesh ushtron profesionin e tij si mësues në shkollën 9-vjeçare “Kastriot”, është i njohur jo vetëm si një profesionist i shkëlqyer, por edhe si një djalë model për komunitetin. Me përkushtimin dhe punën e tij, ai ka ngritur standardet e arsimit në zonë, duke frymëzuar nxënës dhe kolegë me vizionin dhe angazhimin e tij.
Ky çmim është një dëshmi e qartë e punës së tij të palodhur dhe një motivim për gjithë komunitetin arsimor të Dibrës. Mësuesi Kaloshi mbetet një shembull për t’u ndjekur, duke treguar se suksesi në arsim arrihet me përkushtim, pasion dhe profesionalizëm.
Dibra On i uron Mufit Kaloshit suksese të mëtejshme në karrierën e tij dhe e falënderon për rolin e tij të jashtëzakonshëm në edukimin e brezave të rinj. Një arritje si kjo është një krenari për të gjithë Dibrën dhe një hap përpara drejt zhvillimit të arsimit në nivel kombëtar dhe ndërkombëtar.
Admin