0
0
Alegoria Dibrane është një nismë dhe projekt i portalit Dibra ON për të risjellë tek lexuesi vlerat e Alegorisë Dibrane. Ky projekt synon të ndihmojë dashamirësit e kulturës dhe alegorisë dibrane ti japin vlerë fjalës dhe mençurisë së dibranëve brez pas brezi.
Nje fshatar kishte shumë blegtori, dele e dhi e bante shumë hyzmet. Vjen një kohë qê delet po i cofnin (ngordhnin) një nga një, me gjithë hyzmetin që u bante.
Vendosi të pyeste një plak të mençëm por që kishte qenë blegtor me za.
-I kujt je or djalë, e pyeti plaku.
-I filanit.
-Ka qanë burrë i mirë dhe i urtë.
-Po gjyshi jot si e ka pasë emrin?
-Filani.
-Mos e luaj ma teqe (tutje). Prej atij e ke. Nuk ka lanë gja pa ba ai në kohë të vet. U ka pas dalë në male tregëtarëve të Dibrës që vinin prej Tirane, e i ka plaçkitë e rrahë si mos më keq.
Më vjen keq po ty të ka zanë harami i tij. Deri në tre breza të zë harami. Thuaj shyqyr që të ka prekur në gja të gjallë dhe jo në njerëz.
Marrë nga libri “ Rrëfime popullore Dibrane” te autorit Sakip Cami.
Admin