2
0
Fatmir Zhuzhi ka lindur në fshatin Rreth Kale të njësisë administrative Muhurr ku mes vështirësive të shumta mbaroi shkollën 8-të vjecare në shkollën e Muhurrit. Biri I dy prindërve punëtore dhe të ndershëm, me nënën infermiere dhe babain fillrojtës I PTT-së Fatmir Zhuzhi që i vogël I lind dëshira për të komentuar ashtu sic dinë fëmijët ndeshjet e futbollit.
–Që kur isha fëmijë kisha dëshirë të bëhesha në të ardhmen një gazetar sportive dhe gjithmonë mundohesha të imitoja gazetarin sportive Ahmet Shqarrin I cili ishte i vetmi shembull për mua në atë kohë:- shton për portalin Dibraon.com gazetari Fatmir Zhuzhi.
Ai nuk mundi të kryejë një shkollë për shkak të mundësive shumë të vështira ekonomike por kurrë nuk la pas pasionin e tij për sportin dhe vecanërisht gazetarinë sportive. Në vitin 2005 ai filloi punë si komentator sportive tek radio Dibra dhe më vonë në televizionin lokal te Dibrës. Më vonë Zhuzhi punoi si korespondent tek të gjitha gazetat sportive në vend, duke filluar me Sportin Shqipëtar, Sport plus, Sport Ekspres dhe në fund tek Panorama Sport. Ai për një kohë punoi si komentator ku bënte lidhjet direkte nga stadium I Korabit për Radio Tiranën. Gazetari I njohur sportive Defrim Methasani, sipas tij ka qenë gjithmonë një dorë që e fortë për ta ndihmuar por nuk mjafton vetëm kjo. Ai thotë që jeton vetëm me 4800 lekë të reja ndihmë ekonomike dhe e ka të pamundur të mbajë familje. Në sezone të ndryshme Fatmir Zhuzhi emigron në Greqi por pa lënë kurrë pas pasionin e tij për gazetarinë.
Nga: Samet Zagradi| Dibra ON|
Admin