0
1
Dibër: Xhelal Mziu Drejton Takimin me Strukturat Drejtuese të PD për Zgjedhjet e 2025-ës
Në një takim të rëndësishëm të mbajtur në Dibër, drejtuesi politik i qarkut, Xhelal Mziu, së bashku me Sekretarin e Përgjithshëm të Partisë Demokratike dhe kryetarin e PD Dibër, Ilir Krosi, zhvilluan diskutime me strukturat drejtuese të partisë për zgjedhjet e ardhshme të vitit 2025. I pranishëm në këtë takim ishte edhe deputeti Flamur Noka, si dhe eksponentë dhe mbështetës të Partisë Demokratike në Dibër.
Me përulësi dhe mirënjohje, drejtuesit e PD-së falënderuan për besimin dhe mikpritjen, duke shprehur entuziazmin dhe përkushtimin e tyre për betejën elektorale që po afron. Ata u zotuan se së bashku do të punojnë për triumfin e demokracisë ndaj diktaturës, duke premtuar ndryshime të rëndësishme për qarkun e Dibrës.
Gjatë fjalimeve, u theksua se Dibra është sot më e varfër, më e shpopulluar dhe më e kriminalizuar se katër vite më parë, me bujqësinë, arsimin dhe shëndetësinë në gjendje kritike. Partia Demokratike premtoi një platformë qeverisëse euroatlantike për të rikthyer shpresën dhe besimin tek qytetarët, duke premtuar se do të fitojnë së bashku për një të ardhme më të mirë.
Admin