0
0
Strukturat e Drejtorisë Vendore të Policisë Dibër kanë festuar sot 110- vjetorin e krijimit të Policisë së Shtetit.
Ceremonia u zhvillua në ambjentet e Drejtorisë Vendore të Policisë Dibër, me pjesmarrjen e Prefektit të Qarkut Dibër, Kryetarit të Bashkisë Dibër, përfaqësues të agjensive ligjzbatuese, familjarë të Dëshmorëve të Policisë dhe ish-punonjës policie që kanë dalë në pension.
Pas Himnit të Flamurit Drejtori Vendor i Policisë Dibër Drejtues Dhimitraq Ziu, ka falenderuar pjesëmarrësit për praninë e tyre, dhe ka përmendur në tërësi rrugën e gjatë të vështirë por shumë fisnike që ka kaluar Policia Shqipare për gjatë 110 viteve.
Më pas Drejtori Vendor i Policisë në emër të Drejtorit të Përgjithshëm të Policisë së Shtetit Drejtues Madhor Muhamet Rrumbullaku, ju ka dhënë tre çertifikata me motivacionin për “Shërbime të Dalluara” dhe “Çertifikatën e Karrierës” tre prej efektivëve të Drejtorisë së Policisë Dibër.
Gjatë ceremonisë fjalën e ka marrë Prefekti i qarkut Dibër z.Nexhbedin Shehu dhe Kryetari i Bashkisë Dibër z.Rrahim Spahiu ku uruan strukturat e Policisë për 110 vjetorin e krijimit të saj, duke shprehur mirënjohjen dhe vlerësimin për shërbimin e tyre në ruajtjen e rendit dhe sigurisë publike, si dhe inkurajuan që të vazhdojnë me të njëjtin ritëm të japin më të mirën për komunitetin.
Admin