0
0
Kjo e mërkurë e datës 15 Qershor 2022 Maqëllarën dhe më saktësisht gjimnazin “Fiqiri Dine” e vizituan emra të rëndësishëm të ekranit.
Siç ishte parashikuar pak ditë më parë nga gazetari i njohur sportiv Defrim Mathasani ditën e sotme u zhvillua një aktivitet i madh sportiv ku mysafirët e vajzave të gjimnazit të Maqëllarës në ndeshjen e volejbollit ishin vajzat e ekranit. Gazetaret mjaftë të njohura si Anila Hoxha, Hygerta Sako, Sabina Mete, Ida Nurçe, Klodi Shpendi udhëtuan sot nga Tirana për të luajtur ndeshjen e trofeut Esat Skuka.
Atmosfera ishte fantastike ku muzika popullore dibrane e zgjedhur nga këngëtari dhe aktori dibran Agim Skarra i dha ngjyra festive këtij aktiviteti.
Të pranishëm në këtë aktivitet ishin shumë të ftuar të tjerë si Muharrem Gjoka, Aqif Ademi, Bashkim Tufa etj.
Trofeu Esat Skuka u fitua nga vajzat e Maqëllarës dhe ndeshja ishte një miqësore që përcolli emocione të jashtëzakonshme nën komentin e të jashtëzakonshmit Defrim Methasani.
Kryetari i Bashkisë Dibër, Rahim Spahiu dhe drejtoresha e Zyres Vendore Arsimore Dibër Brigena Dani përshëndetën këtë nismë dhe premtuan që aktivitete të këtij lloji do të ketë edhe në vazhdim.
Pjesë e aktivitetit ishin dhe vlerësimet që organizatorët dhanë për personalitete të shquar të zonës së Maqëllarës. Po ashtu edhe drejtuesit e shkollës u kujdesën që të vlerësonin me çertifikata vlerësimi pjesmarrësit .
Pas ndeshjes miqësore e cila përcolli emocione, eksploruesi i natyrës dibrane dhe i sporteve ekstreme Pajtim Vraniçi u kujdes në mënyrë të veçantë që miqtë të argëtoheshin në lumin Drin duke bërë rafting dhe shijuar bukuritë e jashtëzakonshme që Dibra ka.
-Për portalin Dibra ON organizatori dhe njëkohësisht një mik i ngushtë i portalit Defrim Methasani u shpreh mjaftë i kënaqur për këtë aktivitet, për bujarinë dhe mikpritjen e pashembull të Maqëllarës. Ai premtoi që aktivitete të tilla do të ketë edhe në vazhdim.
Për gjimnazin “Fiqiri Dine” u dhuruan libra, mjete sportive, uniforma dhe topa origjinal ardhur nga Italia vetëm për këtë aktivitet.
|S.Zagradi DibraON|
Admin