0
0
Nën kujdesin e Drejtorit Vendor të Policisë Dibër, me rastin e 20-vjetorit të rënies në krye të detyrës të Dëshmorit të policisë Zenel Prençi, në fshatin Muhurr u zhvillua ceremonia përkujtimore në nderim dhe mirënjohje të veprës së tij.
Gjatë fjalimit të mbajtur pranë varrit të të ndjerit, u theksua se përkushtimi, korrektësia, ndershmëria, ndjenja e lartë e përgjegjësisë për të realizuar në kohë detyrat e ngarkuara, trimëria dhe guximi në çdo kohë e situatë, kanë qenë tiparet e spikatura në karakterin e ish-kolegut tonë.
Pas 20 vjetësh, përulemi me shumë mirënjohje për aktin sublim që kreu duke flijuar jetën e tij në krye të detyrës. Stafetën e lënë në gjysëm për ruajtjen e rendit dhe sugurisë publike, sot e vazhdojnë me përkushtim dhe ndershmëri djali Gerald dhe vajza Oligerta, të cilët janë pjesë strukturës së Policisë së Shtetit.
Pas përfundimit të ceremonisë, Drejtori Vendor i Policisë Drejtues Dhimitraq Ziu, sëbashku me punonjës të tjerë, zhvilluan një vizitë në familjen e Dëshmorit të Policisë.
Admin