0
0
Korabi i Peshkopisë bën me dije se tanimë në Dibër do funksionojë edhe skuadra e femrave. Risi për bardhekuqtë që për herë të parë do kenë një ekip femrash.
Me 35 sportistet e para, numri pritet të rritet, ndërsa prezent në këtë event të rëndësishëm kanë qenë pjesëtarë të FSHF-së, klubit dhe Bashkisë Dibër.
“Historike! Sot në bashkëpunim midis Klubit të Futbollit “Korabi”, Federatës Shqiptare të Futbollit dhe Bashkisë Dibër u krijua për herë të parë ekipi i futbollit “Korabi Femra”.
Në stadiumin e qytetit sot ishin të pranishëm përfaqësues të Federatës, Z. Riza përfaqësues i sektorit të femrave, Z Tafaj sektori liçensimit dhe Z. Zere sektori i zhvillimit të të rinjve. Si përfaqësues të Bashkisë Dibër ishin Kryetari Z. Spahiu, Nën-kryetarët Z. Dedja dhe Z. Kojnozi.
Kjo nismë u mbështet edhe nga Drejtoria Arsimore me përfaqësuese Znj. Dani dhe disa mësues të edukimit fizik ku sëbashku me përfaqësuesin e K.F Korabi Z. Mëziu organizuan grumbullimin e parë zyrtar të ekipit të femrave si përfaqësuese të Korabit dhe Dibrës por ndër të tjera u premtua nga të gjitha palët se do të ndërtohet një projekt për mbarëvajtjen dhe zhvillimin e këtij sektori.
Gjithashtu u diskutua për programet e zhvillimit të të rinjve, ndërtimin e terreneve sportive dhe zhvillimi i projekteve nëpër Institucione Arsimore e Ndërkombëtare për qarkun Dibër. Sot ishin të pranishme 35 sportiste numër i cili pritet të jetë akoma në rritje të cilat zhvilluan një kampionat si formë argëtimi nën drejtimin e trajnerëve Z. Kallaverja dhe Znj. Kapxhiu”, shkruajnë dibranët
Newsport
Admin