0
0
TIRANË- Këshilli i Lartë i Prokurorisë në mbledhjen plenare të së enjtes, me anë të vendimeve qarkulluese ka caktuar prokurorët e përkohshëm në Mat, Dibër, Durrës dhe Shkodër.
Këshilli i Lartë i Prokurorisë, me propozim të Komisionit për Zhvillimin e Karrierës, ka vendosur në mënyrë unanime të miratojë projektvendimet për caktimet e përkohshme të prokurorëve për një afat tremujor nga data 19.06.2020 deri më 18.09.2020.
KLP miratoi caktimin e Abaz Muçës, aktualisht prokuror në Prokurorinë pranë Gjykatës së Shkallës së Parë Mat si drejtues të Prokurorisë pranë Gjykatës së Shkallës së Parë Mat.
Po ashtu, KLP miratoi caktimin e përkohshëm të Anton Martinit, prokuror në Prokurorinë pranë Gjykatës së Shkallës së Parë Shkodër, si prokuror të Prokurorisë pranë Gjykatës së Shkallës së Parë Tiranë.
KLP miratoi edhe caktimin e përkohshëm të Donika Prelës, prokurore në Prokurorinë pranë Gjykatës së Shkallës së Parë Durrës, në funksionin e prokurorit të Prokurorisë pranë Gjykatës së Shkallës së Parë Tiranë si dhe caktimin e Rifat Kojkut, aktualisht prokuror në Prokurorinë pranë Gjykatës së Shkallës së Parë Dibër si drejtues të Prokurorisë pranë Gjykatës së Shkallës së Parë Dibër./atsh
Admin