0
0
Janë të rrallë ato artistë
që nuk e anashkalojnë artin e vërtetë muzikor, megjithëse nuk është e lehtë.
Kështu e themi kur dijmë se në këto kohë arti është përfshirë në pazarllëqe,
duke u kthyer në diçka tejkaluese që e merr koha. Për këtë arsye, ngelen të
pavdekshëm artistët e mirëfilltë sepse, ata kanë ngritur imazhin e atillë që i
bën ballë çdo kohe e furtune. E tillë është dhe këngëtarja e madhe e këngës
dibrane Vera Laçi, e cila prej vitesh ka sjellur hite që edhe sot i risjellin
artistët e ri.
Vera ka bërë një pauzë dyvjeçare për shkak të tragjedisë së
djalit të saj, të cilën e ka përcjellur me këngën e sjellur para pak kohësh
“Lotët mos m’i fshini”. Pyetur se si e kalon një ditë të zakonshme,
Vera me lotë në sy na rrëfen: “Një ditë e imja e zakonshme nuk fillon sikur
nënat e tjera, pasi unë ngrihem ndryshe në mëngjes, e dërmuar me dhembjen e
madhe që më kaplon, por që mundohem t’i jap më shumë forcë vetes. Unë birësova
Dean e vogël, të cilës përveç dashurisë së madhe që dua t’i jap, duhet edhe t’i
shërbej në maksimum, pasi ajo i jep ndopak kuptim jetës sime.”
Mirëpo, kur është në pyetje se a do e rinis karrierën
muzikore, Vera na veçon: “Nga shtatori kam ndërmend të bëj një këngë, e kjo
ndoshta do jetë dhe fillimi i ndonjë pune”. Këtë rikthim ajo e bën falë
kërkesave të mëdha të adhuruesve, të cilët me patjetër duan ta shohin atë Verë
të buzëqeshur, me këngën në gojë e në zemër.
Me këtë veprim, Vera Laçi na tregon se është një grua e fortë
karshi fatit të caktuar nga jeta dhe se di të respektojë adhuruesit e
panumërueshëm të saj.Vera Laçi është këngëtare e njohur. Këndon që prej
viteve ’70-ta, duke i dhënë kulturës sonë edhe më tepër vlera. Ajo kryesisht
këndon këngët “e shenjta” dibrane, bashkarisht me Lirie Rashën, Qerim
Sulën, Saje Poleshin, Dritan Jasharin e shumë artistë të mëdhenj. Ka edituar
një mori këngësh popullore, bashkëpunime, albumet: “Stop helmimet”,
“Oj Xhemile” 2009, por edhe klipe. Jeton dhe vepron në Tiranë.
Në vitin 2009, Vera Laçi publikon albumin “Oj
Xhemile”.
Më datë 2 Qershor 2014, Hysni Lala publikojnë videoklipin
“Të Humbur Dërgoni Lajme”, në bashkëpunim me Vera Laci, Irini Qirjako
& Dionis Delia.
Më datë 30 Qershor 2014, Vera Laçi publikon videoklipin
“Lotët Mos M’i Fshini”.
Më datë 17 Qershor 2016, Vera Laçi publikon videoklipin
“Fatit Mos Ju Anko”
Admin