0
0
Shkolla 9-vjeçare “Selim Alliu” në qytetin e Peshkopisë festoi 25 vjetorin e saj me aktivitete të zhvilluara gjatë gjithë javës duke kulmuar me një aktivitet madhështor ditën e premte në pallatin e kulturës “Haki Stërmilli” Peshkopi.
Të pranishëm në aktivitet ishin personalitete të rëndësive të ndryshme të administratës, organizatave, nxënës, mësues dhe ish mësues të kësaj shkolle duke i dhënë një atmosferë shumë të bukur këtij aktiviteti.
Atmosfera festive e 25 vjetorit të shkollës “Selim Alliu” ndihej lehtësisht teksa kalon në bulevard ku fëmijët bënin pregatitjet e fundit. Në këtë 7 Mars ditën që në Shqipëri njihet si dita e mësuesit mësuesit e kësaj shkolle e festuan ndryshe duke dhënë një shembull pozitiv për organizimin e aktiviteve të këtij lloji.
Nxënësit e shkollës ishin organizatorët kryesor të këtij aktiviteti ku përmes këngëve, valleve, poezive dhe kërcimeve i dhanë hijeshi dhe argëtuan të pranishmit.
Prej 25 vitesh kjo shkollë arriti të bëhet një nga shkollat më të rëndësishme dhe më të kërkuara nga nxënësit në qytetin e Peshkopisë. Cilësia e mësuesve që kanë dhe po japin mësim në këtë shkollë lidhet direkt me sukseset e nxënësve duke bërë që për disa herë shkolla “Selim Alliu” të shpallet shkolla më e mirë në Dibër dhe në Shqipëri.
Admin